नेपाल उद्योग वाणिज्य महासंघ गण्डकी प्रदेश र समाजिक विकास, युवा तथा खेलकुद मन्त्रालय विच समझदारी पत्रमा हस्ताक्षर :

प्राविधिक र व्यवसायिक शिक्षा र तालिम (TVET) क्षेत्रसंग सम्वन्धित नीतिगत कार्यहरुमा समन्वय र सहकार्य गर्दै, महासंघमा आवद्ध तथा गण्डकी प्रदेश भित्रका उद्योग/व्यसायहरुको सहयोगमा सीप प्रमाणीकरण, प्राविधिक तथा व्यवसायिक शिक्षाको गुणस्तरीयता सुधार, तथा श्रम बजारको माग र सीपको पहिचान गरी दक्ष जनशक्ति उत्पादन गर्ने श्रम बजारमा सम्मानजनक रोजगारीको वातावरण सृजना गर्ने उदेश्य राखिएको छ ।
 यसै सन्दर्भमा नेपाल उद्योग वाणिज्य महासंघ गण्डकी प्रदेशमा सीप विकास (Skill Development unit) गठन गरी प्राविधिक तथा व्यवसायिक शिक्षा र तालिम क्षेत्रसंग सम्वन्धित कार्यहरु संचालन गर्ने। महासंघमा आवद्ध उद्योगहरुलाइ TVET सम्वन्धी जानकारी गराउने र TVET  सम्वन्धी नीति-नियम, कार्यक्रमहरुमा निजी क्षेत्रको संलग्नता र सहकार्य बढाउने  तथा TVET सम्वन्धी कार्य वा गतिविधिहरुमा आवश्यक समन्वय र सहकार्य गर्ने उदेश्यसहित मिति २०८१ असोज १४ गते देखि २०८३ असार ३१ गते सम्मको लागि समाजिक विकास, युवा तथा खेलकुद मन्त्रालय र नेपाल उद्योग वाणिज्य महासंघ गण्डकी प्रदेशबीच समझदारीपत्र तथा सम्झौता पत्रमा हस्ताक्षर गरिएको हो।