नेपाल उद्योग वाणिज्य महासंघ गण्डकी प्रदेशको ११औं स्थापना दिवसको अवसरमा आयोजित अभिमुखिकरण कार्यक्रम

नेपाल सरकार पछाडी सबै भन्दा ठुलो अर्थात दोश्रो नेटवर्क रहेको निजी क्षेत्रको साझा संस्था नेपाल उद्योग वाणिज्य महासंघले मुलुकमा आएको संघीय रुप अनुसार नै आफ्नो विधान र कार्यदिशालाई परिर्वत गर्दै आईरहेको छ । यसै सन्दर्भमा नेपालमा भएको सात वटा प्रदेशमा आफ्नो संरचना स्थापना गर्ने उद्देश्यअनुसार गण्डकी प्रदेशमा रहेका तत्कालिन १३ वटा जिल्ला नगर उद्योग वाणिज्यको मिति २०७२ साल जेठ २३ गतेका दिन बागलुङ जिल्लामा भएको प्रारम्भिक भेलाबाट तत्कालिन पश्चिमाञ्चल समितिका अध्यक्ष संजीवबहादुर कोइरालाको संयोजकमा प्रदेश तर्दथ समिति गठन गरी २०७२ साल जेठ २७ गते केन्द्रबाट आधिकारिता प्राप्त गरेको थियो । सोही दिनलाई गण्डकी प्रदेशको स्थापना दिवसको रुपमा मनाउँदै आईएको छ । 

महासंघ गण्डकी प्रदेशको दोश्रो कार्यकारिणी समितिको बैठकको निर्णय अनुसार ११ औं स्थापना दिवसको अवसरमा महासंघका सदस्यहरुको उपस्थितमा विविध कार्यक्रमहरुको आयोजना गरी समिति सदस्य रामचन्द्र रेग्मीको व्यवस्थापन तथा संयोजनमा उक्त कार्यक्रम सम्पन्न गरिएको थियो । 

गण्डकी प्रदेश सरकारको समन्वय एवं सहयोगमा आयोजित कार्यक्रममा महासंघ गण्डकी प्रदेशका अध्यक्ष श्री नरेश कँडेलको अध्यक्षता एवं स्वागत, उपाध्यक्ष सुर्यबहादुर भुजेलको सञ्चालन, उपाध्यक्ष मृगेन्द्र घिमिरेको धन्यवाद मन्तव्य सहित समापन भएको थियो ।

• स्वागत मन्तव्यको अवसरमा अध्यक्ष श्री नरेश कँडेलले नवौं प्रदेश सभाबाट निर्वाचित भएर आएको वर्तमान नेतृत्वले आजका दिनसम्म गरेका प्रगतिहरु र भावी दिनमा गर्ने योजनाहरुको बारेमा जानकारी गराउनु भएको थियो । 
• कार्यक्रममा प्रमुख अतिथी गण्डकी प्रदेश सरकार उद्योग तथा पर्यटन मन्त्री माननीय यशोदा रिमालज्यूको प्रमुख आतिथ्यतामा सम्पन्न भएको थियो, सो अवसरमा मन्त्रीज्यूले समृद्ध गण्डकी प्रदेश निर्माण गर्नका लागि स्वरोजगारी हुँदै रोजगारी सिर्जना गरिरहेका उद्यमी व्यवसायीलाई आवश्यक नीति लगायतका विषयमा आफूले सहजीकरण गर्ने बताउनु भयो । प्रदेशमा विभिन्न ऐन कानुन, नीतिहरु बनीरहेको सन्दर्भमा वाणिज्य नितिको अभाव रहेको नीजि क्षेत्र सँग सहकार्य गरेर तत्कालै निति ल्याउनु बताउनु भयो । 
• प्रदेश सरकार बजेट निर्माणको तयारीमा रहेकाले नीजी क्षेत्रसँग सहकार्य गर्ने गरी बजेट तथा नीति कार्यक्रम ल्याउनका लागि महासंघले प्रमुख अतिथी माननीय मन्त्रीज्यू समक्ष अनुरोध गरेको थियो । 
• कार्यक्रममा आन्तरिक राजश्य कार्यालय पोखराका प्रमुख शिवराज ढुङ्गानाले नेपाल सरकारले आर्थिक विधेयक २०८३ मार्फत ल्याएका करका दर, छुट र यस्लाई कसरी व्यवस्थापन गर्ने विषयमा प्रस्तुतीकरण एवं खुल्ला सत्र मार्फत प्रश्नाउत्तोर गर्नु भएको थियो । उहाँले नेपाल सरकारले ल्याएको नीति उद्यमी  व्यवसायीको पक्षमा रहेको र आगामी दिनमा पनि यस्तो अवसर आउन नसक्ने भन्दै सबै उद्यमी व्यवसायीले अवसर लिनका लागि अनुरोध गर्नु भएको थियो । उक्त कार्यक्रममा थप दुई जना कर अधिकृतहरुको समेत सहभागिता रहेको थियो । 
• उद्यमी व्यवसायीहरुमा वित्तिय सुशासनको अति नै आवश्यक परीरहेको सन्दर्भमा सम्पत्ती शुद्धीकरण सम्बन्धी नीजि क्षेत्रका जिल्ला नगर, प्रदेश र केन्द्रमा समेत नेतृत्व गरी रहेका सदस्यहरुलाई यस सम्बन्धमा जानकारी गराउने उद्देश्यले नेपाल चार्टर एकाउन्टेन संघका केन्द्रीय उपाध्यक्ष सि.ए. अनिल लामिछानेले सम्पत्ती शुद्धिकरण भनेको के हो, नेपालमा भएका कानुनी प्रावाधान के छन्, उद्यमी व्यवसायीले कारोबार गर्दा ध्यान दिनु पर्ने कामहरुलगायतका विषयमा प्रस्तुतीकरण तथा खुल्ला छलफलमा प्रश्नोत्तर कार्य सम्पन्न गरिएको थियो । उद्यमी व्यवसायीले हिजोका दिनहरुमा नजानेर गरेका गल्ती नदोहोराउनका लागि अपनाउनु पर्ने सावधानीका विषयमा समेत जानकारी गराउनु भएको थियो । 
• कार्यक्रममा महासंघ गण्डकी प्रदेशका सल्लाहकार समितिका सभापति तथा संस्थापक अध्यक्ष संजीवबहादुर कोइरालाले उद्योग वाणिज्य संघले हिजोका दिनमा गर्दै आएका कार्यहरु र आगामी दिनमा गर्ने कार्य तथा चुनौतीका विषयहरुमा जानकारी गराउँदै उद्यमी व्यवसायीका मुद्दाहरुमा बहस पैरवी गर्ने निजी क्षेत्रका विभिन्न समिति विशेष गरी उद्योग वाणिज्य संघको नेतृत्वमा हुनु पर्ने आवश्यक गुणहरुको बारेमा समेत जानकारी गराउनु भएको थियो ।
• स्थापना दिवसको सन्दर्भमा गण्डकी प्रदेशको प्रतिनिधित्व गर्दै नेपाल उद्योग वाणिज्य महासंघको कार्यकारिणी सदस्य पदमा निर्वाचित श्री छत्रधर आत्रेय, सुविलकुमार श्रेष्ठ, एशोसिएट सदस्य बबरजंग गुरुङलाई गण्डकी प्रदेश सरकारले उत्कृष्ट पर्यटन व्यवसायी २०८२ बाट सम्मानीत हुनु भएकाले उहाँहरुलाई बधाई सहित सफल कार्यकालको शुभकामना व्यक्त गर्दै सम्मान गरिएको थियो । 
• कार्यक्रममा गण्डकी प्रदेशको दोश्रो कार्यकारिणी समितिको बैठकबाट आमन्त्रीत सदस्यमा मनोनयन हुन भएको श्री चेतनारायण श्रेष्ठ, र श्री कृष्णप्रसाद आचार्यलाई मनोनयन पत्र प्रदान गरिएको थियो । त्यसै गरी सल्लाहकार गोपी अधिकारीलाई सल्लाहकार समितिको पत्र प्रदान गरिएको थियो । 
• नेपाल उद्योग वाणिज्य महासंघ गण्डकी प्रदेशका लागि आवश्यक पर्ने जग्गा खरिदको सम्बन्धमा महासंघका कोषाध्यक्ष राजेन्द्र वझाज्यूले जग्गा सम्बन्धी प्रगति र भावी दिनमा कसरी व्यवस्थापन गर्ने लगायतका विषयमा प्रस्तुतीकरण गर्नु भएको थियो । 
• महासंघका लागि आवश्यक पर्ने जग्गा खरिदका लागि कार्यकारिणी समिति सदस्य श्री हिरामणी पण्डीतले १ लाख ५५ हजार ५ सय ५५ रुपैयाँ सहयोग गर्ने प्रतिवद्धता जाहेर गर्नुभएको थियो ।
• कार्यक्रममा प्रमुख अतिथी, अतिथीहरु, सहजकर्ता तथा प्रस्तुतकर्ता, जिल्ला नगर उद्योग वाणिज्य संघ, वस्तुगत संघ, एशोसिएट, महासंघका कार्यकारिणी सदस्य, सल्लाहकार, पत्रकार, उद्यमी व्यवसायीहरु गरेर १५० जनाको उपस्थिती रहेको थियो । 
• नेपाल उद्योग वाणिज्य महासंघ गण्डकी प्रदेशको स्थापन दिवसको सन्र्दभमा देवचुलि उद्योग वाणिज्य संघले आफ्नो कार्यालय परिषद् अगाडी दिप प्रज्वलन कार्यक्रम आयोजना गरिएको थियो ।